.png)
寫了一篇文章，講落廣告重要，不過跟進廣告更重要，因為這是sales automation 的第一步，廣告跟進做得好，你會見到落廣告後產生的複息效應，這不只廣告成效更大，而且廣告成本也會低了。
大家都知海洋公園就嚟執，可能今年唔執，下年都執，就算下年唔執，或者後年都執。我諗海洋公園對我這一代來説，確實係一個童年回憶，不過回憶嘅嘢其實可以永遠停留在回憶中。
一個當年生日願望可能期許可以到樂園一遊，今天相信再冇人咁天真咁傻吧，園館經營不善原因可以成千上萬，冇新意，揀錯客，落方向，不過今天想和大家講吓品牌這個topic, 我不是品牌大師，冇能力教大家怎樣 rebanding , 怎樣再出發。不過讀過 branding 101 的朋友，一定會教你看到一個品牌，你在腦中立刻出理甚麼影像，聯想到甚麼東西？
Nike 你應該諗到汗水，M 記你應該諗到標準，咁海洋公園呢？很記得在連登討論區給了我一個最真實的品牌故事，話説這位樓主説他是承接香港兩個主題樂園的影相拍攝，既係你一入門口捉住你影，當然你走的時候，狂sell 你買嚟留念到此一遊的紀念品，這張相自己影，再曬出來，成本是1蚊，幫樂園買，通常都索價幾百。
這位樓主作了一個最直接的比較，同一張相，同一個影法，放在廸士尼，唔駛點sell，大把遊客爭住買，放在海洋公園，sell 到牙血都出埋，又送埋鎖匙扣，又乜又物，啲遊客都耍手拎頭，聽完呢個經歷，大家都知道一個理性的人駛幾百蚊買張相，冇理由放在床下底等發毛，一定是掛在當眼地方，有人問起就就話比人聽到此一遊，口裏説不，身過卻很誠實地話比大家聽，廸士尼的品牌是完勝。
想帶出一個idea, 我們做sales and marketing 很容易和海洋公園有一個迷思，就是不問究竟先打爆個場，不太理會遊人的質素，我們在 digital 做的廣告也是一樣，不問究竟就去 reach 最大量的受眾，reach完之後就唔知點做了, 這裏有三步曲值得大家參考
好的idea ，好的廣告
我們有時做廣告，好多時都會時常諗爆頭，想度一條絶世好橋，當然有一條好橋，這是一件不會有錯的行為，不過可能千金易得，但好橋難求，與其做條好橋，不如想一想認識廣告背後的一些意義， 了解落廣告背後的每一個數據。可能 make our life easier 。
廣告價值，行為測量
今日係一個手機的世界，也是一個影像的世界，我認為 Video 是嚟緊做廣告是要認識的事情，點解Video 覺得咁work ，係因為係用 Video 做一個廣告媒體，那怕你的Video 好唔好睇，點都會有一個觀賞的長度，而這個可以觀賞的長度，就是一個最客觀去量度 audience behavor 的指標. 舉個例子，就是一個對你產品/服務沒有興趣的人，理性告訴我們，他們沒有可能會花心神看完你整段的影片。所以如你發覺在數據上，又受眾睇完晒你的廣告片，一定係有啲嘢的。
收集受眾，精準行銷
廣告要比錢賣，這當然是常識。問題係點樣可以用一個 smart way 去出廣告 ，以facebook 為例，廣告收費 around $40-50 CPM (每1000 次出現你的廣告），如果你每次都大海撈針式在Facebook 落廣告，其實有點倒錢落海。所以建議你的策略，先用一部份的marketing budget 在公海（陌生人） 出一個已教育為主的概念廣告片，先去收集一些用真實行為告訴你，他們係對你產生興趣的受眾。
之後就很易做，就是把對你有正面反應的受眾統籌起來，為他們製作一個組別，再keep 住出一些更直接的賣嘢廣告給他們，雖然廣告費的收費冇變，但因為你的受眾已經過挑選，這 1000個廣告出現 （CPM ），已不是之前的陌生人，所以你好快見到這個組別的廣告成效是會更有效率，而且成本也會低了。
結論
落廣告算是 sales automation 的第一步，而Marketing 有一句笑話，大家都在任何媒體落廣告，有一半的marketing budget 預咗浪費，不過以前你唔之浪費咗喺邊，希望今日這個少少的分享，可以幫你慳翻少許的廣告費。
